
ارحب بكم في مدونتي
الوايــــلـيه
لمراسلتي على الأيميل
alhathal2202@hotmail.com
استراحة الزوار الكرام
http://alenzy2202.maktoobblog.com/1034221/محطات_تلفزيونيه_اخباريه_وغيرها/?postView=1
معلوماتي
الاسم: الاطرق بن بدر المنديل الهذال
البلد: السعودية
الفئات: عام, علوم و تكنولوجيا, صور و تصاميم, انترنت و برمجيات, مال و أعمال, أدب و كتب, خاصة
راسلني



يالله يالمعبــود يافـــارض الصــــوم
علـيـك يـارب العــــبـاد إتكـــالـــــــه
يارب لولا رحـمـتك صــارت عـلــوم
صكّـت بنا العـدوان شـرق وشمالـه
يارب صلّـينا لك الخـمـس بالـيــوم
تحـمـي بلادي أرض مـهـد الرسالــه
لك يالمـواطـن الفــرح حــل بقـــدوم
صقر العــروبه يوم حـطّـت إرحالــه
أبعد همومـك مابقى انسان محــروم
عـاد المليـك لكــل قلــبٍ صـفـالـــه
جـاكم أخـو نوره سند كـل مظـيـوم
ريف الضعيف وفرحـة اللي عنالـه
صدره شمالي يحتضـن كل مهمــوم
من صلـب وايل والطنايـا خـوالـــه
مليكنا طــــيـر السعــد حــر زيـزوم
أرواحــنـا وقــت الشـدايـد فــدالـــه
نرقـد وعـينه لاجـلنا عافـت النـوم
والـد رحــوم ومعـتبرنـا عــيالــــه
يامرحـبابـك عــد ماتنشـي غــيـوم
واعداد ماهـل المـطـر مـن إخـيالــه
واعداد ماصك بسماها مـن نجـــوم
واعداد مافـي أرضهـا مـن جـبالــه
بقلــوبنـا مسكـنـك ياســــيـدي دوم
وفراقـكم يصعــب علـينـا احتمالــه
غـالي ولا يلحقــك يالوايلـي لـــوم
وافـي بفعـلـك ياعــريـب السلالـــه
للخير في وجهك علامات ورسـوم
وللمجـد بافعالـك نشـوف الـدلالـــه
كل مسلـمٍ ساعـدتـه بشـي معـلــوم
لوهـو بعـيد أوطــان ترفـى خمالــه
طيّب شديد وواضح النهج مـفهـوم
أرسـيـت يامـلـك القلـوب العـدالـــه
عـادل ويلمـس عدلكم كـل مظلـوم
حـكّـمـت شـرع الله فـي كـل حالـه
يمناك سلطان السعـد كلّـه عــزوم
شـبل الأسـود وكـل مجـدٍ زهـالــه
أخــوان نـوره بـاوّل العـهـد لليـوم
زال الضـلال بحـكمهـم والجهـال


نفسي عزيزه ماامـدح فـلان وفــلان
الا الـذي شـفـنـا فعــولـــه شهـــيـده
هـذا فـعـل زبن المـناعـيـر سـلمـــان
وجـه السعـد ذخـر المليك وعضـيده
فـك الرقـاب اللي عليها الوعد حـان
وحـط الفـرح في كل نفـسٍ تريــــده
تسـلـم يمـينك ياسـلايـل كــحـــيـلان
يالــوايلي شــرّفــت كـل الـبديـــــده
طـيبك مجــرّب ماتغـيرك الازمـــان
حـليـم تنظــر للأمـــور الــبعــــــيـده
كـريم سـبلا تعطي أيديك بأحــســـان
وترفـى الحمايل بالظروف الشــديده
فيك العدل دايم على الحق سلـطــان
مافـرّطـت يمنـاك بأمــر العـقــــــيـده
شاركتنا حـتى بفـرحنا والاحـــــزان
وعـلّمـتنا معـنى الصفـاة الحمــيـده
مثل الذهـب معدنك ياعالي الشــان
قـدرك كـبير ولاتوفّــي القصـــــيـده
وشلـون مانغليك ياطــير حـــوران
غــلاك عــز وواجــــب انّـا نزيــــده
الله عــطـانا حـب سلمان الأنســان
ذا طـبعنا مـاهـــي عـلينـا جــــــديـده

الأطرق بن بدر الهذال

ياصاحــبي كـنّا ونبقـى حـلاحـــيل
للمـجــد نرقـى فــوق قـمّـة جـبلها
افـهـم عـدل لاتأول الوضـع تأويـل
والكلمه العـوجا مـن المـزح شلها
يومـنها بالسـيف والرمح والخـيل
نمـلك مـزايين الأبل مـع فـحـلـــها
نغيرفي وسط الضحى واوسط الليل
ونجيبها غصبٍ عـن خـشوم أهلها
ويـلان حــنا فـعـلـنا لــه دوالــــيل
نردم علـى كــبد المـعـادي عـللـها
وان زغردت ام الرموش المظاليل
وقامـت تناظـر كـيف ردّة فـعلــها
نشوش من زود السطر كالمهابيل
والمـوت احـلا عندنا مـن عسلها
متوارثين المجـد جـيلٍ ورى جـيل
فـتخـين الأيدي كاسـبينن نفـلــها
ويلان حنا أهـل الكـرم والمعاميل
عـــــاداتنا مـاغــيّرتهــا فــللــها
لضيوفنا نذبح من السمّن الحـيل
وقـصيرنا مـاراح يشـكي مـللـها
والحمـد لله يوم صارت تساهـيل
جاها السديد بدين ربي شــملـها
يكفي يمـثلنا مـن النفس حلحيل
مشعل أخـو نوره بجـوده كفلـها
مـادام صارت بالذهب والتهاويل
واحـيت علـينا عـنصرية جهلها
ماعاد نبغى من وراها محاصيل
وقـلـوبنا للخــير ربي عــدلـهـا
نعطي الفقيراللي شكى العوزوالويل
وام اليتامـا بذلـنا قــد وصـلهـا
وضعيفنا نرفى خماله عن الميل
اخير من دفع الفلوس بجـملــها
ونذلل ظـروف المساجين تذلـيل
ونعـتق رقابٍ دافـع الله أجـلهــا
ياصاحبي نقدر وفينا لها حـــيل
ونملك ملايين الفلــوس وهللها
واذا رغـبنا بالليالـي المـقــابيل
تشوف ويلان السعد وش عملها
قـلته وانا مـاودّي القـال والقـيل
حسبي على اللي حيل كبدي دبلها







.jpg)


.jpg)
.jpg)

شبكة مجالس قبيلة عنزه
http://www.3nzh.com/vb/
الجمعة,آب 08, 2008
الا يامـسافــر النمــسا تذكّـر خاطري المـكسور
دخـيلك قـلبي الـوافــي طـــواه الـهــم وأتعــنّا
انا ادري ارضها خضراء وبراد وجوها ممطور
وحـداك القيظ ياعـمري تقضّي الصـيف بفـيينّا
اسلّي النفس بغيابك واقـول صويحـبي معـذور
صـغـير الـسـن ومـدلل وانا لـعــيونه اسـتـنّـا
لك الله ضـعــت من دونك ودمـعــي دايـمٍ مـنثور
رجــيـتـك لاتخــلـيها تطـــوّل غــيبتـك عــــنّـا
تركـت الهـم فـي قـلبي وعـشت بدنيتي مقهور
طـوتني لـوعـة الفـرقى ولا مـرســول طــمــنّا
تذكـّر يوم حـبيتك وكـنت بشـوفــتك مـســرور
واقول آمـر على عمري. حـياتي قـول واتمـنّا
امـر البيت بغيابك واشـوفه مـظـلم ومهـجـور
ويهل الدمع من عيني واجـر مـن الحـزن ونّا
حـبيبي لـيه تتركـني ترى مـنت لكـذا مـجــبور
غــريبه تـفـرح بـدوني وتنسـانـي وتـتـهـــنـّا
انا وشجابلي النمسا زهت بعيون سيد الحـور
وخـلّت صـاحـبي عـني يقضّي الصيف بفييّنا
الا يامـسافــر النمــسا تذكّـر خاطري المـكسور
دخـيلك قـلبي الـوافــي طـــواه الـهـم وأتعــنّا
كتبها الاطرق بن بدر المنديل الهذال في 12:00 صباحاً ::




لمراسلتي على العنوان التالي
alhathal2202@hotmail.com
يومنها بالسيف والرمح والخيل
نملك مزايين الأبل مع فـحـلـها
مغناه على هذا الرابط بصوت احد الشباب
http://file8.9q9q.net/Download/74538...sahby.mp3.html